Pentsatu, ez sinistu

Zientzia pilulen bosgarren eta azken alea da honakoa. Orain arte esanak laburbildu eta askatasunaren zentzu kolektibo baten aldeko aldarria egin dugu, arrazoian oinarrituko dena. QAnon bezalako konspirazioez ere jardun dugu, ultraeskuin garaikidearen moldeak aztertuz. Hauxe izan da gure txertoaren azken dosia, eraginkorra izango ahal da! Ez ahaztu: utikan pentsamendu magikoa! Astronomo gehiago eta astrologo gutxiago!

Aldaketa klimatikoa, berotze globala, antropozenoaren amaiera. Horiek bai kontzeptu potoloak, horratik! Ordu erdian aztertzeko gai zabala denez, tesi negazionisten eta aldaketa klimatikoaren erronka itzelaren arteko loturen inguruan jardun dugu. Ea gustuko duzuen! Eta ez ahaztu, utikan pentsamendu magikoa!

4G-ren ondoren eta apokalipsia baino lehen datorrena: horixe omen da 5G delakoa. Litekeena da, baina ez etorri guri uhin elektromagnetikoek sortzen dituzten osasun kalteekin edo kontrol mentalaren mehatxuekin, ez dago halakorik eta. Ordu erdiz uhinen nolakotasunaz eta datorkigun G-nozidioaz arituko gara gaurkoan! (barkatu txiste txarra, ez da berriz gertatuko) Jarri sineskeriaren aurkako txertoa, utikan pentsamendu […]

Pentsatu, ez sinistu KKinZonako zientziaren atala da. Pilula labur batzuk prestatu ditugu bizi ditugun garaiotarako lagungarri izango zaizkizuelakoan. Programa piloto honetan iritzien inguruan aritu gara, ea denek balio bera duten ezbaian jarriz. Jarri sineskeriaren kontrako txertoa, utikan pentsamendu magikoa!