Antxoen Bertsoa

Hara eta hona gabiltz, bertso xerkan Euskal Herriko mapan zehar. Baga, bertso kantuan hasi dugu ANTXOEN BERTSOA irratsaio kitzikagarriena. Biga, Inpernuko IV. bertso afaria hizpide izan dugu eta bertso batzuk entzun ditugu. Hurrengo programan saioko bertsoaldi batzuk izango dituzue entzungai eta luze eta zabal arituko gara Inpernuko kontuez. Beraz adi! Higa, Puntaren Punttan, puntu erantzun […]

Bertsoa ari du zarra zarra KKinZonako bertso plazan. ANTXOEN BERTSOAk aurrera darrai! Aste honetan gure uzta propioko bertsoekin hasi dugu irratsaioa. Uzta propioa, gure ahots eztiek apaindua. kar kar kar. Jarraian, Habana Ta Puntoren oinordekoa izanen den Puntaren Punttan atala abiatu dugu. Puntu erantzunen ariketa mundiala! Estreineko kantaria gure adixkide Xuban Gallego izan da eta […]

Pirritx, Porrotx eta Marimotots-en kantu batekin hasi dugu irratsaioa. Aurreko saioan bat-batean aritu ginen eta gaurkoan ere kopla batzuk abestu ditugu. Ohitura bihurtuko ote da? Jarraian, urtarrilak 18 eta 19an, Tolosan eta Getarian, hurrenez hurren ospatu ziren jaialdietatik bertsoaldi batzuk entzun ditugu. Bukatzeko, Santa Ageda reggae. glu glu glu glu…

Zifra borobila da 100 eta bertso asko sartzen dira 150 ordu inguruan. ANTXOEN BERTSOAri errepasoa eman diogu 2016 urtetik hasita eta nostalgiaz blai hainbat kantu eta kontu berritu ditugu: Martxoan Bertsoa, Habana Ta Punto, Eitzan Aitzen, Bertso Bihotz… Dena den, hau ez da amaitu eta KKinZonako bertso plaza izaten jarraitzeko asmoa dugu. 100. irratsaioa berezia […]

Bertsolariak koplalari Amets Fabrikan ideiak ehuntzen. Abenduak 20an Zarautzko gaztetxean ospatu zen XIII. Kopla Txapelketa mundiala izan dugu entzungai eta aztergai 2020ko lehen bertso gilda osatzeko. Giro bikaina izan zen beste behin ere eta ale bikainak entzun genituen zuzeneko musikak blaituaz. Esker anitz Arraio irratiko lagunei egin zuten lan prestuagatik! ANTXOEN BERTSOA, KKinZonako bertso plaza […]

Urteko azken bertso gilda! Bertso korronteari jarraika, txapelketa ere zaletasuna baita, kantu ta kontuak hamaika, Ilunbeko finala eta gaita. Baga, gbtx19-ko final handiari goitik beherako errepasoa eman diogu. Bertso eder askoak entzun eta gure iruzkinekin lardaxkatuz. Biga, pena galanta txapeldunarekin ezin izan dugulako hitz egin. Higa, gipuzkoar zentrismotik ihesi egingo ote dugu? Laga, urtarrilean itzuliko […]

Errima saltaka eta doinu antxintxika bertsoaren tranpaldoan lurreratu gara antxoa hegalariak. Gipuzkoar zentrismoan murgilduta Oiartzun eta Tolosako finalaurrekoetan murgildu gara aste honetan. Elorsoro eta Usabaleko bertsoaldi onenak entzunez arratsalde ederra pasa dugu KKinZonako arrainontzian. Espero zuek ere gozaatzea! Maleruski, finaleko protagonista batekin ezin izan dugu solastu. Ea hurrengo astean posible dugun. On egin!

Bertso gilda kitzikagarria zuen zentzumenentzat! Bi astez huts egin ostean ANTXOEN BERTSOA berri bat osatu dugu KKinZonako arrainontzi miragarrian . Aste honetan gbtx19ko finalaurrekoak errepasatzen hasi gara. Arrasaten ospatu zen saioa izan dugu hizpide eta hainbat bertso entzuteaz gain, bertsolari protagonista batekin hitz egin dugu. Eñaut Martikorena hernaniar gaztea izan dugu gurekin eta ahoan bilorik […]

Parte hartu ANTXOEN BERTSOAn! Kantatu bertso bat KKinZonako telefonoaren erantzungailuan 943038741 edo info@kkinzona.eus helbidera bidali audio bidez edo idatzita. KKinZonako produktu bat eskuratuko duzu! Aste honetan Doneztebe jaunak etxeko lanak fin egin ditu. Beraz, oparia hiretzat! Bertso gilda gozo honetan, gbtx19-ko azken final laurdena errepasatu dugu. Azkoitian ospatu zen saioaz aritu gara estudioan eta telefonoaz […]